Rumah Adat Karo
Ke halaman depanTentang KamiLayanan KamiHubungi KamiEmail GratisRuang NgobrolMilis TanahkaroDownload ProgramLinks

 

KARO NGERANA


100 tahun sinik
Enggo ndekah kita sinik, enggo ndekah kita la ngerana tahpe la nggit ngerana, tah ngerana ibas ukurta saja. Ibas negeri Karojahe (Deliserdang-Langkat) enggo me 100 tahun kita sinik ertina sejak terbunuhna Datuk Sunggal merga Surbakti tahun 1902. Surbakti berperang selama 25 tahun (1877-1902) ngelawan Belanda, ngelawan penebangan hutan Karojahe, yang oleh pemerintah kolonial mau dijadikan perkebunan. Tentara baju hitam Melayu-Belanda dari Riau akhirnya berhasil membunuh Surbakti tahun 1902 di Seberaya.
(SIBUATEN, Bulletin Karo di Eropah).
 
Ibas zaman perang kolonial bedil me kapken si ngerana, la perlu buka mulut, piah rende pe kita ‘erkata bedil‘. Ibas zaman kemerdekaan (zaman perjuangan sosial dan politik) bagi lanai siakap lit si man rananken. Bedilta la nai lit, babahta pe katepen sinik, sebab kita lenga sempat ndai erlajar pehuli kepandenta ngerana, ibas perjuangen sosial politik si la erngadi-ngadi. Semasa totaliter orde baru diktator Suharto labo ngenca kita sinik tapi ipesinik. Bagekape muat buena siakap si la cocok, muat sinikna ka kita. Kita sinik adi la siakap cocok. Kita minggir adi la siakap cocok, ngarapken gelah min kalak sideban maklum uga ibas ukurta, tah pe uga cedana ukurta enda. Tapi muat dekahna kita sinik muat buena persoalen, labo muat sitikna bagi si niarapken, piah tanehta pe lanai sitteh uga percibalna, muat kitikna muat dekahna, sebab labo kita si erbahan batas-batasna, labo kita si nentuken asakai taneh kalak Karo si banci jadi milik kalak Karo, si jadi daerah si ergelar kabupaten Karo. Karojahe (Deliserdang, Langkat), Dairi bagepe daerah Kutacane lanaibo tersinget daerah kalak Karo, enggo ibagi-bagiken ku propinsi tahpe kabupaten lain, gia ibas daerah-daerah enda kalak Karo nge simanteksa, kalak Karo nge si pemena kegeluhen i daerah-daerah enda. Pemecah belah pertama emkap kalak Belanda, tapi ibas zaman orla pe lenga sempat lit usaha ngenehen ketidakadilan soal-soal batas si ipaksaken kalak Belanda man rayatta. Kai denga ka ibas zaman orba, sebab sang diktator la pernah berkepentingan mencari jalan penyelesaian yang adil persoalan daerah, terutama batas-batas daerah yang secara paksa dan tidak adil dibentuk oleh pemerintah kolonilal Belanda. Salah sada faktor penting perang antar etnis dan perang antar bangsa-bangsa di duni tahun-tahun terakhir ialah masalah garis batas yang ditinggalkan kaum kolonial di banyak negeri. Penarikan garis batas yang dibuat kaum kolonial adalah dalam rangka mengabdi kepentingan kekuasaan kolonial bukan untuk kepentingan rakyat, sehingga dengan sendirinya sudah tidak mungkin sesuai dengan kepentingan perkembangan setelah terusirnya kaum kolonial.

Enca Belanda metteh uga burna taneh Karojahe ( Deliserdang ras Langkat), Belanda erbahan segala macam tipu muslihat, mengadu domba rayat melapangkan jalan ngerambah kerangen Karojahe, njadiken taneh kerangen e jadi perkebunen tembakau, ananas-benang ras karet. Sebagai pekerja untuk menjalankan usaha perkebunan beserta pelayanan terhadap penguasa kolonial, dipindahkan secara paksa dan besar-besaran penduduk dari pulau Jawa. Datuk Sunggal secara berani dan gigih ngelawan politik perambahan-perampokan Belanda bagepe politik pecah belahna. Enca Datuk Sunggal terbunuh, perambahan dan perkebunan diteruskan dengan leluasa dengan hasil melimpah ruah bagi pemerintah kolonial Belanda. Ahli sejarahtape ‘lupa‘ nulis sejarah perlawanen ras kepahlawanan Datuk Sunggal, tapi untunglah musuhta kalak Belanda la pernah ngelupaken. Kita anak-cucuna kalak Karo si nggeluh denga pe ikut ngelupaken sebab kita ‘la nggit subuk‘.
 
Enca terbunuhna Datuk Sunggal (Surbakti), Karojahe enggo secara resmi ijadiken Belanda daerah perkebunen tembakau, ananas-benang dan karet dibawah dua sultan (Deli dan Langkat) janah enca e lanai lit si ngerana ningetken soal perampokan dan perambahan taneh Karojahe. Kalak Karo berubah posisina jadi penduduk periferi ibas tanehna sendiri. Perpindahan penduduk yang hewanis-stalinis pemerintah kolonial Belanda dan kemudian diteruskan secara besar-besaran oleh politik hewanis-stalinis transmigrasi Suharto memaksa kalak Karojahe bagepe kerina kalak Karo mundur teratur. Karo buen sinik.
Bage ibas zaman orla, kai denga ka ibas zaman diktatoris orba. Tapi perjuangen sosial-politik terus menerus la erngadi-ngadi. Zaman berubah, perkembangan teknik dan ekonomi memaksa perubahan dan perkembangan dalam masyarakat. Kekuasaan lama hancur, kekuasaan baru terpaksa menyesuaikan diri dengan perkembangan baru dalam masyarakat. Perkembangan teknik informasi dengan kecepatan tinggi dan global, telah memungkinkan  arah utama perkembangan sosial masyarakat: perkembangan berbasis opini massa rakyat, demokratis dan transparant, melapangkan jalan bagi perjuangan untuk keadilan. Perjuangan kalak Karo untuk membongkar dan melenyapkan 100 tahun ketidakadilan zaman lama sejak terbunuhna pahlawan Datuk Sunggal  tahun 1902, enggo mulai!
 
Tendensi perubahan
Enca enggo si mulai ndube gerakan reformasi enda, melala me si idah perubahen-perubahen perkembangen ibas pikiren/kesedaren melala suku-bangsa i Indonesia, termasuk kalak Karo, sependalanen ras proses perkembangen dan pergolakan dalam masyarakat i Indonesia bagepe seluruh dunia. Dunia menyaksikan gerakan ethnic revival (ethno-national movement) yang belum pernah dikenal di dunia, dalam segala bentuk perjuangannya, termasuk perang etnis yang kekejamannya tidak ada taranya. E me maka melala ka nge suku bangsa i Indonesia bagepe i bagian lain dunia ngelewati proses enda alu dalan perang tahpe pristiwa sedih sidebanna si la nai mungkin terelakken. Perang, enda me kapken cara penyelesaian terakhir setiap konflik. Perang, tah enda kin dalan si effektifna ngubah (meningkatkan) kesedaren manusia?
 
Adi sinehen ku pudi ibas sejarah perkembangan manusia, sejarah perkembangan bangsa-bangsa i dunia, bage pe perkembangan ekonomi dunia, teridah me usur perang si la terhindarken melanda nasib kemanusiaan, tapi ibas segi lainna perang enda seh ka effektifna ngubah kesedaren manusia janah ndorong perkembangen ras kemajuan masyarakat. Revolusi Perancis melanda kesedaran feodal manusia, Perang Dunia I sebagai gelombang pertama melawan kesedaran kolonial dan Perang Dunia II definitif merupakan proses berakhirnya kolonialisme. Dengan lenyapnya kolonialisme, dimulailah proses internal-colonialism, atau ketidakadilan Nasional yang disudahi dengan perang etnis yang mengerikan. Perang dingin sebagai masa pengabdian ke salah satu blok, (kemudian kita mengetahui) ternyata adalah masa akumulasi penanaman dendam bagi sejumlah bangsa-bangsa dan suku-suku bangsa di seluruh dunia. Bangsa-bangsa di Soviet membebaskan diri dari cengkeraman ‘persatuan dan kesatuan‘ komunis Rusia, Bosnia dan Kosovo dari cengkeraman ‘persatuan dan kesatuan‘ komunis Serbia, Tibet dll dari cengkeraman ‘persatuan dan kesatuan‘ komunis China, daerah-daerah di Indonesia dari cengkeraman ‘persatuan dan kesatuan‘ politik homogen demagogi pancasilais sang diktator Suharto, suku Hutu di Rwanda dan Burundi dari tindasan hegemoni berabad-abad suku Tutsi yang digunakan kaum kolonial, suku-suku Masaya di Kenya, suku-suku bangsa Eskimo sekitar kutub utara, Irlandia Utara, Sri Langka, suku-suku bangsa Indian di Amerika Latin (Chapata dll), Maori, Aborigin dsb. dsb.
 
Adi kolonialisme e la terpisahken ras politik dominasi dan hegemoni, tentu internal-colonialism pe bage ka nge. Labo susah ngenehen fenomena Ketidakadilan Nasional enda, terutama di negeri-negeri multi etnis bagi Indonesia. Professor Denis Dwyer University of Keele, UK ibas bukuna Ethnicity and Development 1996 nulis: “in all too many cases, are euphemistically called the ‘developing‘ countries, development programmes frequently are controlled and administered at the higher levels by members of the politically dominant ethnic group; and most of the fruits of such development flow into the pockets of a tiny ethnic elite or at best, are distributed in a limited manner within the same ethnic group.“  Enda salah sada sebab penting perang etnis misalna i Nigeria, Rwanda/Burundi, Sri Langka bagepe Indonesia, salah sada pencerminan dari sebab pokok dan hakiki ethnic conflict bagi si ikataken professor Ruth Lapidoth ibas bukuna AUTONOMY, the flexible solution to ethnic conflict, 1997: “To use more political language, it is ‘the self assertion of ethnic groups, ranging from primary cultural, religious, and educational endeavors, via political organization, to ultimate step of struggling for territorial or state power‘.“ 
 
Perjuangan untuk kekuasaan dan territori tentu bagepe ekonomi – enda me dasar ras hakekat  perjuangan antar etnis. Janah ibas praktek sehari-hari meliputi masalah pendidikan, sekolah, kultur, juridis-kepolisian, perdagangan pekerjaan dan jabatan didalam badan-badan negara, hak tanah, bagepe batas-batas daerah sipembuatenna mbarenda mengandung unsur-unsur ketidakadilan karena pengaruh kekuasaan kolonial atau rezim otoriter nasional. Setiap etnis harus yakin atau diyakinkan, enda me dasar perjuangen setiap etnis, janah enda me dasar konflik antar etnis. Salah sada contoh ketidakadilan ibas masalah batas daerah enda emkap kalak Karo ras daerahna. Kalak Karo la pernah isungkuni, tanehna ipecah-pecah ras ibagi-bagi man kalak pendatang, bagi si terjadi i Ambon, Kalbar, Kalteng tahpe daerah Sulteng Poso.
 
Masalah-masalah hakiki enda, masalah-masalah penting si menyangkut masalah hidup atau mati satu suku bangsa la mungkin iselesaikan dengan cara interaksi basa-basi atau kucing-kucingan tahpe alu cara artificial lainna, bagepe cara-cara ‘tabu‘ orbais. Alu ngenehen dasar-dasar hakiki enda (hak kekuasaan politik dan hak legitim territorial setiap suku bangsa di daerahnya) sidarami unsur-unsur ketidakadilenna, membongkar dan menelanjangi ketidakadilan pengaruh kekuasaan kolonial si iterusken terutama ibas zaman diktatoris orba, perpindahan grup penduduk yang melapangkan jalan bagi poitik ‘persatuan dan kesatuan‘ orba bagepe politik perpindahan hewanis-stalinis transmigrasi orba.
 
Ethnic revival (ethnonational movement) diseluruh jagat begitu perang dingin selesai, adalah perjuangan atau perang pembebasan bangsa-bangsa atau suku bangsa, proses perkembangen si la terhindarken, proses perubahan dari pengabdian ke salah satu blok ( blok barat atau blok timur) ke pembebasan diri secara kultural dan daerah, proses perubahan kemanusiaan dari persatuan artificial ke persatuan sejati dan alamiah. Enda labo gejala sada suku bangsa tahpe sada negeri, tapi gejala dunia ibas proses perkembangan perubahan besar kemanusiaan enda. Gerakan enda lahir ibagas nari, pengaruh luar cuma katalisator ras syarat si memenuhi. Pembebasan KULTUR dan PERASAAN si enggo tertekan dan terhina berpuluh-puluh tahun selama masa pengabdian kepada blok barat atau blok timur, selama pengabdian kepada negara nasional setelah berakhirnya kekuasaan kolonial. Gerakan sejati dan alamiah pembebasan bangsa atau sukubangsa secara kultur dan territorial dari penindasan kultur dan desakan territorial, dan didalam satu negeri berarti pembebasan diri satu suku bangsa tertentu dari internal-colonialism, pembebasan etnis tertentu dari hegemoni atau cengkeraman etnis dominant negeri bersangkutan atau daerah bersangkutan.
 
Ibas proses perkembangan kesedaran (pembebasan kesedaran manusia) teridah me peningkatan keharmonisan kombinasi IQ-EQ-SQ (akal-perasaan-nilai spiritual) sebagai fenomena penting.
Voltaire: Yang paling jarang terjadi ialah kombinasi yang harmonis antara akal dan perasaan.
Kira-kira bersamaan waktuna, reh ka Rousseau nina: Jika akal yang membentuk manusia, maka perasaanlah yang akan mengarahkannya. Enda me si enggo pernah isimpulken Voltaire ras Rousseau kira-kira 250 tahun si enggo lewat. Perang dingin antara dua blok bersama penguasa-penguasa  nasional yang berada dibawah kekuasaan masing-masing,  telah memaksa kemanusiaan terutama suku-suku bangsa minoritet meninggalkan akal sehatnya yaitu kombinasi harmonis akal-perasaan, menekan dan menindas mereka dengan politik nasional ‘persatuan dan kesatuan‘ dibawah bendera nasional atau bendera blok internasional. Kai si idah gundari enda emkap gejala perubahen pikiren manusia si enggo banci ikataken melanda seluruh dunia, gejala perubahen pandangan manusia atas perasaan (EQ), si enggo banci ikataken menentuken ibas perkembangen si gundari ibas kerina aspek kegeluhen seperti pendidikan, ekonomi, kultur/kebudayaan, sosial/politik ras kerina hubungen interaksi sesama manusia, antar etnis/daerah, antara region dan pusat, bagepe internasional. Perkembangen sigundari ibas masalah enda banci ikataken la bertentangan ras cita-cita ideal Voltaire ras Rousseau, la bertentangan ras cita-cita ideal kalak Karo, enda cocok man banta. Kalak Karo ngikuti perkembangen enda alu semangat tinggi dan ketekunan tinggi, sebab perkembangen enda sesuai ras cita-cita idealta, sesuai ras watak pembawaan ras sifat-sifat manusia Karo, manusia demokratis alamiah dan ilmiah, hormat, beradat dan bersahabat, ras kerina kekurangen-kekurangenna.
 
Interaksi kemanusiaan (keuntungan materialistis dengan segala jalan) bagi si enggo iajarken ‘bapak pembangunan‘ Suharto selama 32 tahun Orba enggo encedai janah ngelukai rayat Indonesia terutama suku-suku bangsa minoritet Indonesia. Despot besar Suharto enggo encedai cita-cita ideal kalak Karo, encedai cita-cita ideal cendekiawan politik si ercita-cita luhur ibas comitment publik, kalak jujur ikataken naif, kalak licik ras ngintrig ikataken cerdik, politik ras KKN enggo ersada sependalanen sebab ndarami keduduken politik maksudna
ndarami duit. 
 
Ngenehen watak alamiah ras tradisi mehuli kalak Karo, ngenehen cita-cita ideal, kejujuren ras pandangan kebenaran berjangka panjang kalak Karo si enggo teruji ibas ngadapi 32 tahun despotisme Suharto, enggo teruji selama ratusan tahun menentang kolonial Belanda, termasuk 25 tahun perjuangen herois Datuk Sunggal ngelawan perambahan hutan Karojahe (hutan Deliserdang-Langkat), ijenari melala kemungkinen turah benih-benih cendekiawan politik berkomitment tinggi serta merakyat. Ibas basis cendekiawan Karo gundari enggo lit benih-benih simehuli ku arah enda, janah alu dasar enda ndai kerina maka kalak Karo lit kemungkinen nuduhken dalan, janah enggo pang nuduhken dalan mbalikken perkembangen si encedai kemanusiaan ibas zaman Orba jadi perubahen kesedaren si berkomitment pengabdian publik, patriotisme si la ternilai ertina man perkembangen bangsanta sebab arah dalan enda me ngenca mungkin dalan keselamatan man negeri enda. Enda kapken labo ngenca man kepentingen Karo, tapi ngepkep kelanjuten hidup negerinta Indonesia sebagai satu nation, ngepken perjuangen kemanusiaan ibas pergolaken sosial-politik dunia gundari enda. Tentu enda labo ngenca tugas kalak Karo, tapi man banta kalak Karo ija nari kin simulai?
 
Ibas soal penting lainna pe, soal perkembangen demokrasi di dunia dari interaksi kemanusiaan yang hierarkis otoriter ke demokrasi horizontal kerakyatan, demokrasi alamiah ibas adat kalak Karo banci ikataken labo asing. Demokrasi ibas adatta, demokrasi horizontal dengan struktur hierarki kolektif bergilir dan adil ibas runggu rakut sitelu tutur siwaluh merga silima, demokrasi alamiah si enggo teruji kesempurnaanna ibas ngatur kegeluhenta asa gundari pe, la sitikpe bertentangen ras perkembangen si gundari. Adi siperdiateken gundari uga perdalanen demokrasi parlamenter dunia banci ikataken enggo jadi sistem si ‘cawir metua‘ sebab tugas-tugas sejarahna enggo selesai, sistem demokrasi enda enggo jadi penghalang man perkembangen, gia lenga teridah bentuk-bentuk alternatifna si erstruktur. Sistem demokrasi parlamenter enda enggo cawir metua ninta, enda me sejak revolusi Prancis, mula-mulana mehuli kal man perwakilen rayat, ngurangi atau menentang despotisme kaum feodal, tapi bage me enggo tuana piah gundari adi siperdiateken sistem enda lanaibo mewakili rayat tapi enggo jadi ingan pertiga-tiga lembu alias dagang sapi atau lobbi, maun-maun jadi pasar gelap kalak elit si ndauh jarakna ras pengertian (pengetahuan) rayat bawah si iwakilina. Si idah me kapken uga DPR/MPR ta gundari, jadi pusat KKN, pusat budaya cekcok ras intrig, ingan sitagut-taguten soal duit dan kekuasan bagi kalak elit; ibas zaman orba jadi alat tunggal sang diktator. Fenomena enda labo ngenca i negerinta, tapi bage ka nge kerina i Eropahpe (Uni Eropah banci ikataken ingan lobbi), i USA si begime usur uga organisasi-organisasi maffia nggunaken anggota Senat/parlamen. Adi si nehen kerina kai si terjadi ibas soal enda i dunia bagepe i Indonesia, maka pang nge kita ngatakenca sistem demokrasi parlamenter enda enggo me cawir metua.
 
Empati kalak Karo terkenal i Indonesia, bagepe i luar negeri banci nge kalak ngidah spesifikta. Enda bangga me kita. Kebanggaan enda labo lit salahna, sebab empati menguntungken kemanusiaan, ertina kerina banci menikmati, mereken kebahagiaan man kerina. Empati-nta enda labo kapken sibahan-bahan, sebab enda me salah sada sifat kharakteristikta, enggo tertanem mbagas ibas kegeluhen ras jiwa kalak Karo, bage ka pe tersirat ibas tatasusila adat/tradisi kalak Karo ibas aturen rakut sitelu tutur siwaluh merga silima.
 
Soal adat enda asa gundari pe lenga bo lit kalak Karo si menentang, bage ibas kegeluhen praktis bage ibas soal teori. Sebalikna muat buena si ngenehen ku je. Tapi tentu labo berarti la lit perkembangen, tahpe adi lit siakap bagian-bagian si enggo kaku ibas zaman enda tentu dengan sendirina la nai terpake. “Kita juga tidak dapat menyalahkan suatu generasi apabila kekayaan kita tersebut hanya sebagai kenang-kenangan masa lalu bagi yang perlu mengenangnya saja……“ nina senimanta Julianus Liem Beng. Kata-kata enda mbages me ertina, tapi ugapape norma-norma rakut sitelu tutur siwaluh merga silima melala denga nge ertina man banta, penting denga ibas ngatur pergaulen ras kegeluhenta, cerah denga perspektifna ngidah arah perkembangen abad enda ibas ngembangken demokrasi nerusken reformasi, sebab sistem demokrasi ibas adatta bagi si enggo sikataken ndai la lit pertentangenna ras perkembangen si gundari, la bertentangen ras cita-cita ideal reformasi, bagepe perkembangen dunia secara umum – dari hierarki-otoriter ke horizontal-demokratis ibas masalah interaksi sesama manusia, bagepe ibas masalah kesadaren manusia,  perkembangen kombinasi yang lebih haromonis antara akal dan perasaan. Dasar ras syarat-syarat si enda kerina enggo tersedia secara mendalam dan alamiah ibas manusia Karo bagepe masyarakat Karo.
 
Proses perubahan kesadaran manusia, proses kembali ke PERASAAN, peningkatan EQ atau soft skills dalam hubungan interaksi sesama manusia dalam semua aspek kehidupan, enda me perkembangen baru kesadaran manusia, proses perubahan dari akal-pikiran yang bisa menikmati keuntungan sebagai hasil dari penindasan-penipuan, ke perasaan yang bisa menikmati kebahagiaan sebagai hasil respect dan keadilan sesama manusia. Proses enda pe kepeken (bagi si enggo siidah melala contohna) terpaksa ka ngelewati perang si la terhindarken, bage i Indonesia bage pe i bagian dunia lain.
Korbanna enggo jutaan ibas perang  pembebasan dari internal-colonialism, perang etnis si la terbilangi kejamna. Tapi gundari pang nge kita ngatakenca janah sepenuhna nge masuk akal, perang etnis global kali ini akan merupakan perang terakhir pembebasan kemanusiaan dari penindasan sesamanya, sebagai bangsa atas bangsa dan etnis atas etnis, kultur atas kultur.
 
Identitet suku
Ibas kancah perang pembebasan etnis si melanda dunia gundari termasuk i Indonesia, kalak Karo la ikut erperang, lenga terikut tahpe perlu kin kita ikut? Jelas labo kita perlu ikut erperang membebaskan diri, gia ibas zaman Orba-Golkar ketidakadilen si itimpaken man banta labo kapken terbilangi, bage ibas soal politik-kekuasaan, juridis-peradilan, ras daerahta pe ipekitik janah ikucilken, piah identitetta sebagai kalak Karo pe menam bene. Pembagian kekuasaan i Sumut seperti halnya disemua daerah lain di Indonesia, sepenuhnya menurut selera sang diktator, sesuai ras politik hegemoni-dominasi ‘persatuan dan kesatuan‘ Orba, semata-mata mengabdi politik fasis Suharto, memakai suku tertentu yang dia anggap ‘setia‘.  Enda termasuk siasat penting, kunci strategi sentral ibas politik internal-colonialism. Politik bagenda tentu ibas kaum kolonial nari asalna (enggo me sitteh nai nari uga penjajah Inggris nggunaken suku Tamil di Ceylon (Sri Langka) atau kalak Gurka di India, bage pe kalak Belanda i Indonesia nggunaken taktik yang sama). Kita kalak Karo tentu enggo ikut ngenanamisa, terutama kalak Karo si tading iluar kab Karo, i Deliserdang, Langkat, Dairi bagepe daerah Kutacane. Ketidakadilan ibas masalah kekuasaan politik enda emkap masalah hakiki ninta ndai, enca masalah hak legitim atas daerah. Ijenda nari me rehna dendam, konflik ras perang. Bage i Indonesia, bagepe i bagian lain dunia. Tapi gundari la nai perlu kita sip, si turiken kebutuhen hakiki kalak Karo, bentuk Kabupaten Karodeli-serdang, Karolangkat, Karoacih bagepe Karodairi. Enda kebutuhen kemanusiaan. Enda lanai perlu itabuken tahpe irahasiaken. Ngerana kita tah erperang kita! La perlu kita salah pilih. Kebudayaanta enggo me kuakap mampu milih si tengteng. E maka penting me usur si singetken apai si la adil ibas masalah kekuasaan enda, ula si sinikken. Kekurangenta secara pembawaan emkap giten kita sinik asangken ninget, sebab kita la nggit subuk ninta. Gundari terpaksa nge si ubah lagunta enda. Adi masalahna soal keadilen-ketidakadilen terpaksa nge kita nggit subuk, adi lahang jadi dendam kapken tahpe jadi bomwaktu. Uga jadina pagi bomwaktu enda enggo me melalasa contohna.
 
Identitetta menam bene ninta ndai. Gundari bagi si enggo ka sidat mulihken identitet e, gia kubagas denga, ertina secara psikologis, kepercayaan diri sebagai kalak Karo ras kepercayaanta man KARO enda.  Tapi enda me tingkaten si terpenting, dasar si memungkinken perkembangen selanjutna, ningetken keluar, ertina ku luar dirinta. Hak identitet Karo e kita nge si empuna, hak identitet e merga janah mbelin ertina man banta. Ijenda nari kita berangkat. Identitetta sebagai kalak Karo sigunaken ikut ergotong-royong mbongkar sisa ketidakadilen kekuasaan Orba-Golkar i Sumut, gelah ndorong kerja sama atau integrasi kerina etnis ibas sada-sada tujun praktis si lit gunana ngembangken daerah enda. Adi mbongkar ketidakadilen ninta, tentu si ndube tahpe asa gundari itimpaken man suku tertentu i Sumut. Enda tentu jadi daya pendorong si mbelin ertina, nggerakken setiap suku ibas gerakan maju ku lebe enda.

Ngenehen jangka panjang ibas gerakan reformasi enda, labo lit sada pe etnis si membutuhken ketidakadilan, yang tertimpa maupun yang menimpakan. Ketidakadilan terhadap satu etnis, cepat atau lambat akan melahirkan ketidakadilan balik terhadap etnis yang menimpakannya dan pada gilirannya juga menimpa seluruh nation. Contohna enggo melala. E me maka pang kita ngatakenca,  perjuangan untuk keadilan adalah perjuangan semua etnis. Tentu lit ka nge turah pemikiren, si iutamaken ijenda tentu etnis si menimpakan ketidakadilan sebab si tertimpa ketidakadilan ’la ersalah’ (misalna kalak Hutu i Rwanda tahpe kalak Dayak i Kalimantan). Si pebages sitik pengenehenta, soal KETIDAKADILAN, ijenda lita dua pihak, sada pihak si tertimpa ras pihak lain si menimpakan. Uga kin adi sinehen sikap seorang anak terhadap seorang anak yang lain, la kin sepenuhna tergantung man sikap masing-masing anak e? Enda anak-anak ninta, ertina lenga beluh rukur ras ngerana secara dewasa. Adi kalak dewasa tentu beluh rukur ras ngerana terutama adi menyangkut soal ketidakadilan enda, kita terpaksa nge ngerana ras rukur. Tentu lain soalna adi kita la bebas ngerana ras rukur bagi kalak Dayak dibawah senjata sang diktator tahpe kalak Hutu dibawah hegemoni militer Tutsi. Tapi gundari enggo lit kebebasenta rukur bagepe ngerana, enda sipake ibas interaksi antara dua pihak enda ndai, enda ngenca dalanta, man kalak Karo bagepe kerina etnis sideban ibas negeri multi etnis enda. Enggo me waktuna kita memulai kerjasama atas dasar pemikiran dan kesedaran baru yaitu differensiasi-integarasi, demokrasi dan transparansi mulai sekarang, ertina setelah pengalaman pahit dunia melewati perang etnis yang mengerikan dan tidak ada bandingannya. Kerjasama atau integrasi atas dasar baru enda, emkap kelanjuten reformasi ibas relitet, ibas praktek. Reformasi total – arah enda me dalanna.

Bagi si enggo mettehsa kita kerina, masyarakat pluralis multi etnis lit nge usur rawanna, enda labo perlu si tutup-tutupi bagi si ibahan diktator Suharto, tapi si cidahken kudarat janah si pelajari. Bagi si enggo si singetken idatas, maka enggo me kapken jadi rahasia umum ijapape i dunia enda, dasar kerawanen enda sada ngenca, emkap KETIDAKADILAN. Si erbahan tidak adil la merasakan tapi cuma menikmati, tapi si tertimpa ketidakadilan karena sebab-sebab intern-extern belum mengizinkan, tidak bereaksi, diam atau la nggit subuk, ertina nimai waktuna. Ijenda me bahayana. E maka ibas soal ketidakadilan enda la perlu si timai, tapi mis siranaken, gelah ula sempat mem-bomwaktu, terutama adi menyangkut masalah-masalah hakiki bagi si enggo sicakapken idatas. Persoalen hakiki e banci ka nge sibandingken ras pendapat professor T.H.Eriksen Universitet Oslo, ibas soal etnis nina: “Ada 3 faktor yang selalu mengakibatkan konflik, hak identitet, hak politik, hak keadilan sosial dalam lapangan ekonomi.“

Adi si singetken ijenda hak identitet kalak Karo, tentu bage ka nge kalak sideban pe, ertina kerina bali hakna. Bali hakna ertina la sadape si berhak ngganggu hak kalak sideban. Adi lit adatta si banci ngganggu ketentraman kalak si deban (iluar daerah Karo), enda la perlu idalanken. Biasana kita kalak Karo teliti ibas masalah enda, sesuai ras sifat-sifatta si introvert, empati meganjang ras selfrespect-dignity kalak Karo.

Ibas bukuna e professor Ruth Lapidoth ngelanjutken: “Ethnic solidarity fulfills the individual‘s need for identity, affiliation, and self-esteem, which in turn, enhance a sense of security.“ Identitet suku adalah kebutuhan bagi setiap suku. Setiap suku mengidentifikasikan dirinya dengan semua instansi atau badan di kekuasaan, polisi, pendidikan, sosial dan semua badan lainnya, sebab enda me kapken kebutuhen suku secara psikologis dan fisik, enda labo keinginan. Enda labo keinginan ningku, sebab adi keinginan banci terpenuhi banci lahang, tapi KEBUTUHAN KEMANUSIAAN si la terpenuhi ibas masalah enda banci erbahan bomwaktu, contoh ras korban enggo melala janah kerina kita enggo mettehsa. Adi tiap suku banci mengidentifikasikan dirina ras badan-badan e, enda me kapken kebanggaan (kebutuhan psikologis), bagekape tentu penting ka nge adi lit perwakilen sukuna ije (kebutuhen fisik). Situasi enda me salah sada faktor si memenuhi kebutuhan jasmani dan rohani suku bangsa. Instansi ras badan-badan si imaksudken ijenda tentu si lit hubungenna man kerina etnis (yang bersifat ‘pusat‘), labo ibas daerah tertentu sada etnis, sebab ijenda tentu hak penuh (hak politis dan territorial) bagi tiap etnis bersangkutan atas daerahna la banci i ganggu-gugat tahpe ijadiken pertanyaan, enda termasuk pengakuan, respect ras penghargaan atas setiap etnis dan daerahnya – 3 kata enda emkap dasar persatuan sejati.
 
Demokrasi-integrasi
Melala kalak beluhta gundari mempertentangken demokrasi ras integrasi. Muat luasna demokrasi muat cedana intergrasi nina. Payo kin bage? Masalah demokrasi bagepe masalah integrasi la banci lahang terpaksa nge si pahami mehuli, sebab dua kata enda penting gundari man banta kerina kalak Indonesia janah dua kata enda menentuken man perkembangen ras masa depan bangsanta bagepe negerinta Indonesia enda sebagai negeri pluralis multi entnis. Cuba me si teliti manjar-anjar dua kata enda. Pertama lebe si nehen kata integrasi si la banci lahang mesti sipersada ras kata differensiasi, dua kata bertentangen kutub secara dialektis. Dua kata si arus si jaga keseimbangenna gelah ula sipake berat sebelah. Semakin mendalam differensiasi semakin mendalam integrasi. Muat lalana ras muat bagesna pemetehta soal perbedaanta, misalna perbedaan antara suku-bangsanta, tentu muat beluhna kita uga ngadapi setiap suku bangsa, muat deherna kita sesama sukubangsa, labo mungkin muat dauhna. Bagepe terjadi ka nge sebalikna, ertina semakin dangkal differensiasi, semakin dangkal ka nge integrasi, ertina integrasi e la lit gunana tahpe la mungkin, la banci ikataken integrasi sejati. Ibas zaman Orba enggo melala pengalamenta, penekanan berat sebelah terhadap integrasi, bukan hanya tidak mengikutkan differensiasi tapi malah differensiasi/perbedaan ditabukan. Awas SARA nina. Akibatna enggo me melala si idah, korbanna pe enggo melala. Muat bagesna differensiasi enda, muat bagesna pengakuan, respekt ras penghargaan sesama suku-bangsa, muat deherna kita ku persatuan sejati bagi si enggo si singetken idatas ndai.
 
Ugakin ninta soal memperdalam differensiasi enda ndai?

Enggo me sitteh ndube la mungkin  ibas zaman Orba, tapi gundari enggo mungkin sebab enggo lit suasana demokratis, demokrasi enggo erdalan, gia mbue denga halangen-halangenna. Demokrasi (kebebasan) ersada secara dialektis ras disiplin, ijenda pe terpaksa lit keseimbangen. Disiplin enda erat me hubungenna ras kesedarenta sebagai anggota masyarakat, erat hubungenna ras supremasi hukum, undang-undang bagepe kerina peraturen si berlaku bagepe tata-tertib adat/tradsisi. Semakin luas dan semakin mendalam demokrasi, berarti semakin luas dan semakin mendalam pengertian atau kesedaran kita berdemokrasi dan berarti juga semakin luas dan semakin mendalam pengertian kita dalam masalah-masalah perbedaan kita (differensiasi) yang pada gilirannya juga dengan sendirinya akan memperluas dan memperdalam integrasi. Karena itu perluasan dan perkembangan DEMOKRASI akan selalu mendorong, memperluas dan memperdalam INTEGRASI. Demokrasi la mungkin ipertentangken ras integrasi. Otda (otonomi daerah) enda kapken salah sada bentuk konkrit perluasen ras perkembangen demokrasi, karena ini adalah salah satu bentuk konkrit perkembangan dan pendalaman differensiasi yang secara dialektis tak terpisahkan dengan integrasi. Bage me maka pembentukan kabupaten-kabupaten Karo i Sumut adalah konkritisasi yang sempurna kelanjutan differensiasi dan integrasi sebagai unsur terpenting perkembangan, perluasan dan pendalaman demokrasi, faktor terpenting kelanjutan perjuangan reformasi ibas masyarakat Karo. Ijenda nari simulai, ijenda nari siterusken gerakan reformasi enda secara total, siterusken pagi ku luar kalak Karo ngepkep perkembangen negerinta si multi etnis enda. Si dahi janah si dungi tegunta bagepe si tuduhken kebeluhen ras kesanggupenta erdemokrasi, demokrasi modern horizontal alu penggunaan demokrasi alamiah adatta, emkap:  demokrasi horizontal dengan sistem ’hierarki’ kolektif bergilir dan adil ibas runggu rakut sitelu tutur siwaluh merga silima. Tugas-tugas sejarah enda berlaku man kerina etnis negerinta alu spesifik ras adat/tradisi setiap etnis ras daerahna.
 
Enggo me melala gundari kalak beluhta ngeranaken persoalen-persoalen enda, persoalen sosial-politik si aktual gundari ibas zaman reformasi enda, termasuk ibas kalangen intelektuil kalak Karo sebagai man of ideas dalam mencari kebenaran dan keadilan demi kesejahteraan masyarakatta. Enggo muat lalana si pang nuduhken dalan ras nuriken sora pusuhna, tentu ras ngikutken kerina kekurangen-kekuarangenna, tapi enda me sidalani, tugas kalak beluhta mereken ‘pencerahan dan harapan‘ (kata-kata dari Sutradara Ginting) man rayatta, man kalak Karo khususna ibas perjuangenta ngepkep perkembangen ras kemajuan. Enda pe sada kebanggaan me kuakap man banta kalak Karo.
 

Mejuah-juah kita kerina
Malem Ukur Ginting
Swedia, tahun baru 2002  

Copyright ©2002 SalahKetik.Com
Tanah Karo Simalem Home Page

 


Holistic Solution Center | Hypnosis Association | EFT Indonesia | Psikoterapis | Bawah Sadar | Belajar Hipnotis | Layanan Hipnoterapi | Belajar Hipnoterapi | Buku Hipnotis Gratis | Hypnosis Training | Organisasi Hipnosis | Master Hipnotis | Solusi Salah Ketik | Fakir Magic | Sekolah Sulap | Psikologi Indonesia | Terapi Musik | Aktivasi Otak | Neurotherapy | Pengobatan Herbal | Artikel Kesehatan | Pakar Seks | Terapi Seks | Master Seks | Obat Ejakulasi Dini | Perusahaan Furniture | Master Indonesia | Toko Barang Antik | Terapi Tertawa | Beasiswa & Lowongan Kerja | Kota Jepara | Pelatihan Internet Marketing

 

1