Rumah Adat Karo
Ke halaman depanTentang KamiLayanan KamiHubungi KamiEmail GratisRuang NgobrolMilis TanahkaroDownload ProgramLinks

 

PERKEMBANGAN INDIVIDU

 

Tema 'perkembangan individu' atau perkembangan diri, banci ikataken tema baru ibas perkembangen zaman modern enda ibas lapangan ilmu pengetahuan mengenai perkembangan kemanusiaan tahpe banci ka nge ikataken dimensi baru ibas dunia pengetahuan manusia. Tema enda enggo me ndekah populer i Barat, negeri-negeri si enggo ndauh leben maju, ije perkembangen tingkat kebutuhan manusia enggo banci ikataken memasuki tingkat tertinggi, sinehen alu cermin piramid kebutuhan bagi si igambarken Abraham Maslow (hierarki kebutuhen Maslow: 1 physiological needs, 2 safety needs, 3 social needs, 4 esteem needs, 5 self-actualisation needs, ibas bukuna Motivation and Personality). Seperdalanen ras self-actualisasi enda me perkembangen individu e ncidahken bana. Enda labo berarti maka negeri-negeri si lenga seh ku je tingkat perkembangenna terpaksa nimai lebe maka imulai ngenehen perkembangen individu enda. Era TI/globalisasi enda enggo me maksa kita kerina kemanusiaan ngikuti perkembangen ijapape kita tading. E maka enggo me teridah keperlun enda i negeri-negeri berkembang termasuk negerinta Indonesia bagepe TAKASIMA.

Ndarami pemeteh tahpe ndatken sekolah/pendidiken ras diploma tertentu gelah pagi dat dahin tetap janah banci ipake jadi 'bekal' seumur hidup enggo me biasa si idah, janah bagenda denga nge pandangan umum ibas negeri-negeri si sedang berkembang. Tapi ibas zaman perubahen cepat enda, ibas zaman TI/globalisasi enda, enggo me sigejap uga perkembangen kebutuhenta sendiri ibas soal pemeteh ras keterampilen. Pemeteh ras Keterampilen enda enggo jadi masalah PERKEMBANGAN, ertina sepanjang hidup harus selalu siap mengembangkan diri dan menyerap pengetahuan baru, terus 'belajar dan sekali lagi belajar' supaya bisa mengikuti dan menyesuaikan diri dengan perkembangan dan perubahan yang berkecepatan tinggi. Ngidah perkembangen dunia si bagenda, ngidah penyebaran ras penerimaan informasi ras pemeteh bage cepatna, semakin tergejap me man banta uga pemetehta si enggo lit semakin ndauh jarakna ras kenyataan bagepe ras perubahen siterjadi i lebe-lebenta. Semakin tergejap ka nge man banta kebutuhen dimensi lain penyerapan pemeteh ras informasi enda.

Peningkaten bagepe perkembangen pemeteh ras keluasen pikiren si la erngadi-ngadi, enggo me jadi masalah penting ibas kegeluhen manusia ibas zaman enda, maka tema PERKEMBANGAN INDIVIDU e enggo jadi masalah sentral ibas kegeluhen manusia gundari.

Setiap individu perlu mengembangkan bagepe meningkatkan pemeteh ras kesadarenna terus menerus, labo kapken ngenca maka banci ngikuti ras menyesuaikan diri ibas perkembangen si bage cepatna, tapi perlu ka nge njaga keseimbangen ibas dirinta gelah ula terlalu ketadingen bagepe ula terlalu 'maju', tahpe ula jadi bingung tertimpa gangguan jiwa. Ibas catatan terakhir WHO cuma 20 % jelma si sehat (psikis), 80 % mengalami gangguan psikis. Enda tentu melala sebab-sebabna, tapi salah sada si termasuk sebab penting emekap perbahan bingung menghadapi atau mengikuti perkembangan ras perubahen si bage cepatna, ertina kurang pemeteh ras kurang persiapen menerima kerina perubahen-perubahen cepat e. 'Air mengalir selalu bersih dan segar, air tergenang banyak ugatnya', nina pepatah kalak Indonesia. Bage ka nge otak manusia enda, terpaksa nge usur siperbarui isina alu pemeteh si mbaru bagepe informasi si mbaru.

'Belajar sepanjang hidup', pernah ikataken presiden Clinton. Enda payo nge tuhu. Setiap pemasuken pemeteh baru tahpe pikiren baru, enda ertina individu pe berkembang ka setingkat. Pemeteh enda kapken berfungsi sebagai alat pembuka pintu ku dunia baru. Mekatep ka terjadi membuka tahpe menemukan masalah-masalah baru si la tersangka-sangka, bagepe mereken udara segar ibas perukurenta, mereken ketenangan ras kelegaan pikiran bagepe kegembiraan ibas ngadapi setiap perubahan bagepe perkembangen.

Setiap persoalen baru, patut tahpe terpaksa nge si nehen dari semua segi gelah banci teridah secara keseluruhan, gelah ula kita terjerumus memandang sada segina saja. E maka perlu me usur janah lit nge usur manfaatna adi sibereken kesempaten man kerina 'lawan' gelah mereken pendapatna ibas sudut pandangenna nari. Ise kin si mettehsa apai si tengteng adi lenga si nehen dari semua segi, adi sinehen sada segina ngenca. Si usahaken menghindari memandang dunia bagi seorang diktator, dari sudutnya sendiri dan benarnya sendiri. Kerina diktator mbiar kritik, mbiar pendapat kalak sideban, langgit ngikuti perubahen dunia, la nggit erlajar, kedungenna terdampar tapi masih terus dikejar.

Enggo muat jelasna me si idah uga penyerapen pemeteh bagepe peningkaten keterampilenta bagi si lanai cukup adi ngandalken bangku sekolah saja. Ibas kegeluhenta gundari, masalah enda terpaksa nge si ikuti alu keaktifan ras kreasinta sendiri ibas konteks PERKEMBANGAN INDIVIDU enda ndai ertina ibas proses perkembangen manusia sebagai individu. Kai si pernah ikataken kalak beluh Einstein setengah abad si enggo lewat soal individu enda, gundari teridah aktualisasina ibas kegeluhenta, nina Einstein: "Manusia sebagai individu ngenca si banci rukur, nciptaken nilai-nilai sosial baru ras netapken norma-norma moral si ngatur kegeluhen masyarakat. Sada masyarakat la mungkin tambah maju adi la lit individu-individu si kreatif, si banci rukur bebas ras erbahan pertimbangen-pertimbangenna sendiri."

Ibas zaman perang dingin, proses pembusukan masyarakat blok Soviet ras runtuhna sada persada diktator-diktatorna bagepe kerina sistem masyarakatna, sebab si terpenting jelas me sebagai akibat bagi si ikataken Einstein "la lit individu-individu si kreatif, si banci rukur bebas". Tanpa individu-individu kreatif ras bebas berpikir, masyarakat la mungkin berkembang maju kedepan tapi malah merosot dan membusuk bagi si enggo si idah ibas masyarakat Soviet. Gia si begi me mbarenda usur uga pemimpin Soviet ngingetken janah propagandaken man rayatna gelah "belajar, belajar dan sekali lagi belajar" (Lenin), tapi kata-kata si mehuli enda la me lit ertina adi la lit kebebasen individu ibas masyarakat e. Banci ka sibandingken uga masalah kebebasan individu enda ibas zaman diktatoris orba, uga akibatna man perkembangen masyarakatta. Perkembangen si teridah emkap proses pembusukan bagepe kemerosotan moral si lalit bandingenna ibas zaman modern enda, terutama dikalangan penguasa orba, mbue denga penguasa ibas zaman reformasi, bagepe pengaruhna dikalangan masyarakat la terelakken, asa gundari.

Kebebasan individu, kebebasen man setiap jelma untuk 'berpikir secara bebas' bagepe ras 'erlajar, sekali nari erlajar', alu si enda me masyarakatta banci erdalan maju ngikuti kerina perubahen ras perkembangen si bagenda cepatna. Keruntuhen diktator Suharto ras militerismena enggo memungkinken perluasen perkembangen demokrasi ke semua lapisan masyarakat bage pe kerina daerah ibas era reformasi enda, enggo memungkinken kelahiren individu-individu si bebas berpikir, kreatif janah mampu memelopori ras memimpin perubahen ras perkembangen ibas kerina lapangen, bagi si enggo si idah kemunculan mahasiswa-mahasiswa/pemuda heroik memimpin ras memelopori perjuangen ngeruntuhken kekuasaan diktatoris orba si bage kejamna.

Pertahanken kebebasen!
Erlajar ras sekali nari erlajar!

Mejuah-juah kita kerina
Malem Ukur Ginting
 

Copyright 2002 SalahKetik.Com
Tanah Karo Simalem Home Page

 


Holistic Solution Center | Hypnosis Association | EFT Indonesia | Psikoterapis | Bawah Sadar | Belajar Hipnotis | Layanan Hipnoterapi | Belajar Hipnoterapi | Buku Hipnotis Gratis | Hypnosis Training | Organisasi Hipnosis | Master Hipnotis | Solusi Salah Ketik | Fakir Magic | Sekolah Sulap | Psikologi Indonesia | Terapi Musik | Aktivasi Otak | Neurotherapy | Pengobatan Herbal | Artikel Kesehatan | Pakar Seks | Terapi Seks | Master Seks | Obat Ejakulasi Dini | Perusahaan Furniture | Master Indonesia | Toko Barang Antik | Terapi Tertawa | Beasiswa & Lowongan Kerja | Kota Jepara | Pelatihan Internet Marketing

 

1