Rumah Adat Karo
Ke halaman depanTentang KamiLayanan KamiHubungi KamiEmail GratisRuang NgobrolMilis TanahkaroDownload ProgramLinks

 

Karo Berjuang

 

Karo, Nai ras Gundari
Tersinget aku tulisen Abdi Noor Tambun i Sibayak Post edisi Juni - Juli 01, uga usaha sistematis mengkucilkan Tanah Karo. Masalah e ndai "cukuplah disimpan di dalam hati saja." nina penulis. Gia isimpan 'didalam hati' tapi la lupa ia erbahan analisa uga kin kerina seluk belukna janah saling hubungenna ras kerina persoalen si deban si la terpisahken, bagi si enggo mejile itulisna i Sibayak Post. Tulisen e kapken merupaken informasi penting janah bahan diskusi dari hati ke hati ibas kita kalak Karo ngepkep perkembangen ras nasib masa depan TAKASIMA bagepe Indonesia.

Kejadin terakhir si erbahan ceda ukurta kerina misalna penembakan liar atas diri Sion Ginting anggota DPRD Karo pada hari Minggu 12 agustus 01, la terpisahken ras perjuangenna ngepkep TAKASIMA. Sion Ginting secara tegas (dalam praktek dilapangan) menentang pencurian kayu ras perambahan hutan hijau Tanah Karo, yang sering pula diselubungi dengan alasan pembukaan perkebunan rakyat. Kerina kalak Karo, kerina pejuang reformasi dan keadilan, prihatin atas kejadin e, tentu bage ka nge Pemda Karo si jadi arapenta ngelurusken perdalanen nasib kalak Karo ras TAKASIMA. Kerina kita ndukung perjuangen gigih Sion Ginting ngelawan ketidakadilan si melanda TAKASIMA ras kalak Karo, ketidakadilan Nasional atas Karo dan TAKASIMA si enggo imulai sejak permulaan Orba berlanjut terus asa gundari.

Megegeh janah berani nai kita ertempur ngelawan penjajah. Kerina kalak Karo, la sada pe mbiar tah mehangke njemak bedil tah pe bambu runcing ngelawan ras mempertahanken tanehta. Terpuji kita, termasuk Bung Hatta ikut muji kalak Karo ibas perjuangen e. La perlusa nai kita melala ngerana tahpe nulis ngelaksanaken perjuangen ngusir penjajah e. Bedil si ngerana. Enca merdeka siakap lanai lit siman perjuangenken, tapi perjuangen sosial enda la kap erngadi-ngadi nggit tah lahang kita merdiatekenca. Adi la kita ikut berjuang tentu lit kalak si suka rela atau dengan senang hati akan 'memperjuangken' nasibta. Terus ku zaman Orba pe kalak sideban me 'memperjuangken' nasibta, ertina kekuasaan Orba.

Seh ibas zaman reformasi enda pe si inget denga nge pemetehta si nai, kepandenta berjuang alu bedil. Zaman enggo berubah, kepandenta berjuang la tambah, bagi si gelgel denga. Gundari enggo me si idah bentuk perjuangen enda la nai alu bedil, tapi alu pena tah pe babah, bage pe inisiatif ras organisasi. Perlengkapenna situhu-tuhu si banci mereken hasil emkap pemeteh ras informasi, si banci ikataken labo kita ketadingen. Tapi menggunakan pena dan babah enda me kuakap si kita ketadingen. Implementasi informasi ras pemeteh labo mungkin terlaksana ibas praktek adi la kita aktif berinisiatif, adi la kita ngerana tah pe nulis, sebab lalit rayat si mettehsa, ertina la mungkin lit perubahen, la lit perkembangen. Kai kin ertina informasi ras pemeteh enda adi sibuniken ngenca ibas ukurta? Kurang media kin?

Ketadingenta ibas lapangen menggunaken pena ras babah enda la kapken terpisahken ras sifat-sifatta si introvert si enggo tertanem ibas jiwanta si 'la nggit subuk'. Akibatna pe enggo me sinanami kerina, uga perlakun man banta kalak Karo ibas zaman Orba. Labo simerandalna kerina sinanami, buen me si pagitna, piah daerahta pe ipekitik kalak. Enca ipekitik, ikucilken ka, tapi kita tetap sinik la nggit subuk. Sipatut ngerana pe sinik la nggit subuk, si kundul entabeh i pusat. Kerina kita introvert, kerina kita sinik la nggit subuk. Piga tahun nari umur kerangen meratah ras lau meciho TAKASIMA adi siterusken lagunta si la nggit subuk enda?

Desakan keras bagepe tantangen man banta labo semakin kurang tapi bertambah kian hari. Desakan global pe enggo me sigejap i TAKASIMA. Penangko kayu internasional, narkoba, bage pe melala persoalen sidebanna si global sifatna. Pertahanan (existensi) secara nasional ninta, tah enda hanya tinggal lamunan saja nge ngenca man banta kalak Karo bagepe TAKASIMA, bagepe man kerina daerah-daerah si deban i seluruh Indonesia, sebab ketidakadilan nasional enda (juga tentu tidak lepas dari pengaruh tekanan internasional) enggo me jadi musuh utama banyak daerah. Selama nation enda jadi musuh utama region, la mungkin lit penyelesaian persoalen regional secara nasional, tapi mungkin secara regional atau tah banci ka nge ikataken enda me ngenca si mungkin. Emakana pertahanan (existensi) secara regional ninta, tah kari enda me si lebih masuk akal, sebab enggo menda pasti la terdahi tegun mbelang adi tegun kitik pe lenga terdungi. Otonomi enda enggo memungkinken kita pejore nasibta sendiri. Perambahen hutan enda pe banci nge si dungi secara otonom, gia tah kalak Jakarta pe ikut ka nge main, adi siperdiateken perambahen si melanda seluruh tanah air.

Masalah perambahan enda enggo jadi masalah global, tapi penyelesaianna la mungkin kita nimai keputusen internasional, bagepe la mungkin kita nimai penyelesaian secara nasional, sebab desakan global enggo terlalu kuat untuk dibebankan hanya di pundak pusat, tapi mungkin dan satu-satunya yang mungkin emkap secara regional, ertina tekanan global terpaksa diserahkan dan dibagi-bagikan ke pundak daerah. Nasib dan masa depan daerah sepenuhnya berada ditangan daerah dan penduduknya! Globalisasi memaksakan penyelesaian regional. Globalisasi dan ketidakadilan nasional telah sangat erat bergandengan tangan dan telah memaksakan ethnic-revival (ethnonational movements) di seluruh dunia. Globalisasi bersama ketidakadilan Nasional telah membangkitkan gejala differensiasi yang tadinya masih tabu bagi politik dunia dan telah menciptakan konflik kemanusiaan yang tidak ada taranya (perang etnis).

Muat jelasna me enda si idah, nasib kalak Karo/TAKASIMA bage pe masa depanta la nai mungkin iserahken man kalak sideban. Lanai mungkin sipercayaken man kalak sideban secara Nasional (pusat atau propinsi) uga nasib bulung meratah i TAKASIMA. Kehijauan TAKASIMA enda, kita kalak Karo me sipertahankenca. Pertahanenta terakhir i jenda me, i jenda ngenca mungkin sukunta, daerahta. Enda me respons terakhir setiap suku ras daerah ngadapi desakan global bage pe ketidakadilan Nasional. Enda gejala dunia, basis pertahanan terahir kemanusiaan di setiap pelosok dunia emkap kesatuan kultural ras daerahna secara kultural, ertina suku ras daerahna. Desakan global ras tekanan ketidakadilan Nasional si la perduli kultur atau daerah telah memaksa kemanusiaan bertahan secara kultur dan daerah, janah enda nari me ngenca bentuk satu-satunya organisasi pertahanan diri yang masih mungkin bagi kemanusiaan di dunia ke 3 dan dunia ke 4. Kekurangen pengertian ibas masalah enda, terutama ibas pihak elit politik nari si pernah berkuasa (i 3 benua AAA bagepe Eropah), enggo ngorbanken jutaan jiwa manusia ibas perang etnis si la terbilangi kejamna.

Ketidakadilan Nasional
Kerina kita nai megegeh erperang ngelawan penjajah, kerina suku bangsa si lit i Indonesia, la nggit sada pe ketadingen, merdeka seratus persen ninta. Enca e merdeka kita, puas kita kerina, la lit si man perubaten sesama kita. Tapi perkembangen sosial politik jalan me kapken terus, secara Nasional bagepe internasional. Dua blok si bermusuhen i dunia semakin memperkuat diri masing-masing serta memperkuat pengaruh masing-masing pula ke seluruh 
pelosok dunia, terutama negeri-negeri 'strategis' seperti Indonesia. Sukarno erbahan visina, berbahaya nina kalak barat, lantas digulingkan dan dipasang orang 'kuat' Suharto. Karena kuatnya dia bertindak diktatoris, membantai satu setengah juta manusia dan berkuasa dengan pedang terhunus selama 32 tahun. Rayat la pang ngerana, si ngerana mis ibuniken. Daerah la pang ngerana, si ngerana mis itumpas. Merdeka 100 persen mbarenda dinikmati segelintir saja ngenca, sebagian besar i pusat (intina keluarga Cendana) dan segelintir
tangan-tangan boneka Cendana i daerah. Man kalak enterem terutama daerah-daerah 'strategis' tertentu tah lanai bo lit sada persen pe kemerdekaan e isisaken. Daerah 'strategis' enda emkap daerah si jadi sumber kekayaan seperti Aceh, Papua. Bage kape daerah si secara ideologis la sesuai ras ideologi pusat seperti kalak Karo ras daerahna terutama Tanah Karo. Emaka Tanah Karo harus dikucilkan, dan sejauh mungkin dikecilkan. Dengan berbagai cara yang mungkin, cara kotor atau cara yang agak 'bersih'. Ambon ras daerahna termasuk ibas kategori si enda. Pemindahan orang islam secara besar-besaran ke Ambon adalah cara utama. La terkecuali ku Aceh, pemindahen besar-besaran (transmigrasi). La sadape daerah iizinken ngerana, kai denga ka isungkuni banci tah lahang daerahna ibagi-bagiken man kalak sideban, banci tah lahang hasil-hasil alamna ijadiken milik penguasa pusat (Cendana), kerina demi 'kepentingan bangsa' atau 'kepentingan nasional'. ketidakadilan nasional disulap jadi kepentingan bangsa.

Engkai kin maka rayat perlu ngerana? Engkai kin maka daerah perlu ngerana?
La kin bias adi 'bapak pembangunen' e saja si ngerana?

Adi sinehen mulihken kai kin ndai situhuna si perlu ibelasken tapi la banci ibelasken, labo kapken enda rahasia, kerina kita mettehsa, kerina daerah mettehsa. Singkatna emkap ketidakadilen si enggo bertahun-tahun terpendam dan kemudian lebih dari 30 tahun dipendam, ertina enggo jadi api dalam sekam. Lebih tepat adi sikataken enggo jadi bom waktu yang sangat jenuh dengan ledakan dahsyat dan berbahaya bagi semua. Sebagian enggo si idah
ledakenna, Aceh, Papua, Ambon/Maluku, Sambas, Sampit, Poso dll. Sadape lenga lit penyelesaian yang berarti, lenga lit penyelesaian secara hakiki, ertina lenga tersinggung akar persoalenna emkap masalah etnis. Ketidakadilan yang ditimpakan pada etnis setempat selama 30 tahun lebih serta kurangnya pengertian baru dalam masalah ethnic revival (ethnonational movements) dalam era modern globalisasi sehingga mengakibatkan metode pendekatan yang salah dan cara penyelesaian yang masih orbais (cara orba).

Persoalen etnis di Indonesia sudah begitu mendalam, sudah menyekam dan membengkak selama 32 tahun, begitu komplikasi dan ruwet: daerah-daerah yang 'strategis' sangat berbeda-beda, etnis yang secara kultur/tradisi berbeda dan bahkan bisa bertentangan, agama dan kepercayaan yang beraneka ragam, kesemuanya ini demi 'kepentingan bangsa' di 'tabu' kan, ditekan dan
ditutup-tutupi selama orba dan yang kemudian terbuka dan meledak sebagai bom pembawa malapetaka. Karena itu juga tidak mungkin diharapkan penyelesaian yang cepat dan gampang, apalagi jika dipandang dari tingkat kemampuan elit penguasa pusat dalam menangani masalah-masalah demikian. Dibutuhkan bukan hanya pandangan baru, tetapi juga pengetahuan baru sepenuhnya dalam masalah etnis dan ethnic revival dalam era modern, dimana kedua-duanya sekarang ini tidak ada dalam tingkat permikiran di pusat.

Penguasa nasional pusat sampai detik ini, dalam permulaan era Megawati - Hamzah boleh dikatakan masih bertitik tolak dari pandangan lama dalam soal ethnonational movements. Pandangan baru dan cara pendekatan baru belum terlihat. Yang sudah jelas terlihat ialah perlombaan akan tempat-tempat berair dan dominasi militer, demikian juga pandangan terhadap otda yang semakin mundur. Memang masih mugkin ada perkembangen di masa depan mengingat waktunya masih sampai 2004, tetapi sampai detik ini masih belum/tidak memberikan landasan keyakinan. Ethnonational movements harus didorong atau ditindas, tidak begitu banyak pilihan. Pilihan pertama butuh pandangan baru dan pengetahuan baru, dan bahkan mungkin juga 
orang-orang baru dengan pikiran baru.

KKN - enda me benang-nyawa Orba. Adi militer saja ndai tah labo bage dekahna umurna, adi sibandingken ras diktator-diktator negara-negara pisang. KKN dengan jumlah uang yang luar biasa karena sumber uang yang luar biasa pula (kekayaan alam Indonesia). Pinjaman (utang) yang jumlahnya juga luar biasa, juga karena kepercayaan pada sumber kekayaan alam yang luar biasa tadi. Pinjaman e itengah dalan ope denga seh ku Indonesia enggo me leben bene deba
(kalak IMF pe labo kerina motu). Enca seh ku Indonesia dijamin bene kerina, kecuali surat utang. Si idahme kapken uga hasilna sen pinjamen e, tah lebih tepat ade sikataken la si idah hasilna. I daerah si apaikin si idah lit hasilna e? I daerah Karo? Pakpak?, Gayo? Aceh? Papua? Tapi si tungkir ku luar negeri Inggris, USA, New Zealand dsb, ijadah lit nge hasilna, ijah melala nge rumah-rumah mewah (vila-vila mewah) kalak elit Indonesia. Enda si la terbuniken, rekening ibas bank banci ibuniken. Tapi ise kin enda pagi si mbayar utang enda?

Kekuasaan - duit, duit - kekuasaan. Filsafat hidup si enggo berlaku sejak orba. Kekuasaan ndarami sen, sen ndarami kekuasaan dan seterusna, ijenda denga nge usur erputar-putar. Bagenda denga nge kegiaten utama kegeluhen kalak elit politik pusat bagepe mbue denga i daerah. Jabaten si ni ayak-ayak usur nge jabaten si erlau, bage kape jabaten-jabaten penting si banci ngelindungi KKN, janah enda labo rahasia, kerina nge terbuka erlomba ngayak-ngayak ingan e. Kai kin hubungenna perlombaan enda ras kepentingen rayat tahpe penderitaan rayat? Kai kin hubungenna perlombaan enda ras nasib kalak Karo orang tuanta si la sanggup nekolahken anakna i TAKASIMA, Deli, Langkat bagepe Dairi? Jawabna: la lit! Tapi kalak enda me si enggo 'sipercayaken' ngurus negerinta, ertina termasuk ngurus kalak Karo ras TAKASIMA, termasuk ngukurken uga maka perjuma tenggiring Pa Gura i Sugihen nari ngasup nekolahken anakna si sentengah ngayak SMP lah gia.

Bage me kuakap maka enggo muat tipisna kemungkinen persoalen regional enda iselesaiken secara nasional. Sebalikna enggo muat buena kemungkinen iselesaiken secara regional ibas konteks otonomi daerah, kai denga ka adi si inget persoalen si cukup rontang i tingkat pusat, bagekape adi sihubungken ras tantangan globalisasi ndai. Kalak Karo ngenca si mungkin menyelesaikan persoalen kalak Karo ras kerina daerahna, janah enda kari tergantung man
kegigihenta kerina, terutama Pemda Karo, badan legislatif Karo ras badan yudikatif Karo seh pentingna ijenda sitandasken tugas kepolisian ras pengadilan ula iserahke man kalak sideban, sebab bicara ugapape, kita kalak Karo nge si berkepentingen njaga ras engkelengi tanehta, la mungkin kalak sideban, enda la perlu sibuniken.

Tingkat kesedaran manusia secara umum bage pe secara khusus ibas masyarakatta ngayak detik enda, lenga memungkinken ndungi pelaksanaan tugas berat reformasi ibas sada daerah suku-bangsa adi tugas e iserahken man kalak pendatang. Ijenda labo masalah kepentingan bangsa tapi masalah kepentingan suku-bangsa ras daerahna, masalah perkembangan suku-bangsa ras daerahna, masalah terpenting dan masalah yang sesungguhnya akan menentukan perkembangan dan kemajuan Indonesia yang multi-etnis dan pluralis sebagai satu nation, masalah si enggo ilupaken selama 30 tahun lebih. Simulai ibas kepentingan suku-bangsa ras daerah, menuju kepentingan bangsa dan Indonesia. Kepentingan bangsa si mulai alu kepentingan suku-bangsa, simulai alu penyelesaian masalah daerah, ula terbalik. Enda berlaku man kerina suku
bangsa ras kerina daerahna (tentu labo banci silupaken ijenda masalah penting suku-bangsa/etnis bukan pribumi si 'la lit daerahna', kuakap enda pe terpaksa ka nge siranaken uga percibalen ras pendekaten persoalenna). Man banta kalak Karo simulai i TAKASIMA, simulai mereken kepercayanta man kalak Karo ngurus ras ndungi persoalen kalak Karo. Lanai mungkin si ikuti politik 'kepentingan bangsa' orba, demagogi pancasilais politik ketidakadilan nasional orba si enggo jelas makan korban melala, enggo jelas menimbulkan
kebencian dan dendam, pertikaian terbuka ras perang. Ibas tingkat perkembangen sigundari persoalen-persoalen berat nasional hanya mungkin diselesaikan secara regional, dimulai secara regional, simulai i TAKASIMA!

Masalah perbedaan antara suku-suku bangsa, enda la nai bo perlu i 'tabu' ken tah pe itutup-tutupi bagi ibas zaman orba, sebab enggo me si idah uga akibatna. Si perlu gundari emkap differensiasi, memperdalam pengetahuan kita tentang suku-suku bangsanta, ngergai setiap suku bangsa ras daerahna terutama ibas masalah kekuasaan politik atas daerahna bagepe hak legitim atas daerahna, ijenari tentu turah solidaritet bagepe rasa persahabatan, ije nari tentu turah semangat persatuan, integrasi ras kerja-sama ibas mbue masalah bangsanta. Enda berlaku man kerina suku bangsa i Indonesia. Emaka ibas pelaksanaan pendahin/jabaten si menentukan man masa depan Karo enda, tentu kalak Karo nge si wajib janah si patut ndungisa. Emaka labo salah, gelah ula ngataken keharusen, gelah kerina pejabat penting si menentuken nasib kalak Karo terpaksa nge iserahken man kalak Karo. Enda patut berlaku bagi setiap suku (daerah), nginget hakekat perjuangan antara suku-suku bangsa diseluruh dunia maupun di Indonesia sampai detik ini dan mungkin akan masih panjang kedepan ialah perjuangan akan kekuasaan politik dan hak legitim territorial (ketidak-adilen ibas masalah hakiki enda me si enggo ngorbanken jutaan jiwa diseluruh dunia termasuk i Indonesia), nginget kultur/kebudayaan setiap suku berbeda-beda, bage pe nginget kompetisi antar daerah yang pasti akan semakin menanjak ibas era globalisasi, janah nginget peranan pusat si lanai mbue ertina, la nai mbue terarapken ibas memperjuangken nasib daerah.

Kerina daerah kalak Karo i Sumut la mungkin ipercayaken man kalak sideban ngembangkenca kecuali man kalak Karo sendiri, nginget nasib mayoritet kalak Karo si tading i luar TAKASIMA bagepe nginget desaken globalisasi si enggo lanai terhindarken, suku ras daerahta e me ngenca pertahanenta terakhir. Ijenda banci iterapken demokrasi adat, si mbelin denga ertina man banta kerina, janah banci iterapken ibas lapangan politik pe. Adat, tradisi, kebudayaan atau kultur akan membantu memperingan mengatasi kesulitan yang dihadapi oleh setiap suku/daerah, sebagaimana secara umum kultur/kebudayaan adalah senjata kemanusiaan yang utama menghadapi kekacauan dalam existensi kehidupan manusia, begitu dulu dan masih begitu sekarang, dan sangat perlu ditekankan pentingnya hal ini dipelajari dan dipahami terutama dinegeri-negeri multi-etnis seperti Indonesia. 'Organisasi' kalak Karo ras daerahna emkap organisasi atas dasar 'ethnic solidarity', dengan tradisi dan tata tertib keadilan berbasis demokrasi horizontal ibas rakut sitelu tutur siwaluh merga silima simbelin denga ertina man banta ibas zaman modern enda. Ijenda lit kebebasen bage pe disiplin (adat) ibas ngorganisasi existensi bage pe kehidupan masyarakat Karo ras kerina daerahna, bage pe menghadapi suku sideban bage pe menghadapi Indonesia sebagai satu nation.

Kompetisi Antar Daerah
Kompetisi antar daerah la terpisahken ras kompetisi antara suku bangsa. Ibas masalah enda tentu lanai kita banci tutup mata. Adi lit kompetisi antar daerah tentu lit suku bangsa si berkepentingen ije (perjuangen antara suku-suku masih tetap berpusat disekitar 'struggling for territorial and political power', enggo bage nai nari, bage denga nge gundari, bage i dunia lain, bage i Indonesia), ibas soal fasilitas pendidikan, kepolisian, pengadilan, perguruan tinggi bage pe kesehatan. La kurang pentingna ibas masalah ekonomi bage kape ibas soal kultur /kebudayaan ras sumber-sumber kekayaan sidebanna. La siakui masalah si enda, tentu nambah kacau man banta, ertina la mungkin nambah penyelesaian secara hakiki. Erpura-pura la sitteh tahpe la si idah soal e, e pe labo mbantu. Sifat 'la nggit subuk' pe labo mbantu ijenda, gelah ula ngataken mbantu nambah parah persoalenna (perlu sitandasken ijenda jabaten penguasa kepolisian bagepe pangadilan i TAKASIMA ras kerina daerah kalak Karo i luar TAKASIMA). Adi la siperjuangken kepentingenta ibas masalah-masalah si idatas enda, tentu dengan senang hati kalak sideban si masuk 'memperjuangken' kepentingenta bagi si enggo terjadi ibas zaman orba, janah terus denga asa gundari terutama ibas daerah kalak Karo iluar TAKASIMA, bahkan di TAKASIMA sendiri (ibas kekuasaan kepolisian ras pengadilan). Ugakin kita ngadapi kerina kejahaten ibas tanehta adi la lit kekuasaanta ibas kepolisian ras pengadilen? Enda tentu la menguntungken perkembangen kompetisi sehat, kai pe alasenna, kai denga ka alasen 'kepentingan bangsa'.

Bagi si enggo sikataken idatas, kompetisi antar daerah la terpisahken ras kompetisi antar suku. Tapi enda ibas tingkat perkembangen kesadaran masyarakatta (Indonesia) gundari. Pengertian lain bage pe cara pendekatan lain ibas masalah enda enggo me kapken siidah uga akibatna, pertikaian dan pertumpahan darah, la tergantung siakui tah la siakui si enda. Kekuatan riil dan kekuatan psikologis yang perkasa yang tersembunyi dan bersemayam 
didalam ikatan primordial 'ethnic solidarity' sudah menunjukkan manifestasinya didepan mata dunia berupa peledakan-peledakan bom-waktu yang sangat dahsyat, termasuk enggo melala si idah contohna i Indonesia, enggo melala korbanna. 'Bom-waktu ' ninta, sebab enda lit prosesna sejalan ras waktu, enggo lit masa penimbunen mesiuna janah enggo lit masa peledakenna tahpe nimai masa peledakenna sebab lenga cukup mesiuna. Mesiuna enda emkap ketidakadilan si itimpaken ku daerah tertentu bagepe suku tertentu, antara pusat dan daerah bagepe antar daerah. Proses penimbunan mesiu enda me si terpaksa
siperdiateken gundari ibas setiap daerah. Ijenda ula kita 'la nggit subuk', kita terpaksa nge nggit subuk ngurangi sitik-sitik mesiu e gelah ula terjadi peledaken. Peledaken enda la menguntungken man kalak sirukur mehuli, la menguntungken man perkembangen kompetisi sehat antar daerah.

Kekuaten tersembunyi 'ethnic solidarity' enda enggo me terbuka tapi tah lenga bo dat pengakuan penuh ibas kita nari kerina, sebabna tentu mbue denga kita 'si la nggit subuk'. Tapi muat buena nge kuakap gundari kita si nggit subuk, muat buena si nggit berinisiatif uga ngurangi ketidak-adian i TAKASIMA bage pe uga mendorong perkembangen kemajuan i TAKASIMA. Enggo si idah uga Pemda pimpinen bupati Sinar Perangin-angin erbahan erbage-bage inisiatif perkembangen bagepe uga badan legislatif misalna Sion Ginting secara giat dan berani maju didepan menentang ketidakadilan dan kebobrokan di TAKASIMA bahkan sampai terjadi percobaan pembunuhan atas dirinya. Ijenda perlu dukungenta kerina man bana.

Kekuaten 'ethnic solidarity' enda lit nge ibas tiap daerah. Kekuaten enda me si perlu penyaluren, kekuaten enda me siterpaksa si ikutken janah sisalurken ibas kompetisi sehat antar daerah bagepe ngadapi tantangan global, lit gunana mbelin ertina. Kekuaten enda perkasa maka ula sigunaken tahpe ibelokken ku tujun si la mehuli.

Setiap manusia Indonesia atau setiap pemimpin politik negeri kita, yang secara alamiah berasal dari suku tertentu, tidak bisa dipisahkan dari identitet sukunya, karena suku sebagai organisasi alamiah juga bisa dipakai sebagai alat politik yang sangat terjamin dan aman, juga bisa dipakai untuk memenuhi kepentingan dan kebutuhan psikologis identitet suku yang sangat mendalam serta memiliki kekuatan psikologis dan kekuatan riil yang besar tetapi 'tersembunyi'. Ini merupakan kekuatan yang tidak bisa dibendung dan juga tidak perlu dibendung dalam era ethnic revival (era ethnonational movement) yang sedang bersemarak dalam abad TI/globalisasi. Indonesia membutuhkan kekuatan setiap suku bangsa, kita membutuhkan kekuatan psikologis dan kekuatan riil setiap suku bangsa dalam rangka menghadapi kekuatan psikologis dan kekuatan riil global dalam semua lapangan dan boleh dikatakan dalam semua aspek kehidupan bangsa kita, dalam era transisi besar kehidupan dan transisi besar kemanusiaan yang belum pernah ada bandingannya dan sudah didepan mata kita. Reformasi dan perkembangan demokrasi di negeri kita mau tidak mau harus dimulai secara regional, dimulai dengan mengembangkan demokrasi etnis, dengan memerangi ketidakadilan di semua daerah etnis, man banta emkap i TAKASIMA bagepe daerah-daerah kalak Karo iluar TAKASIMA i Sumut. Kompetisi sehat antar daerah labo kapken banci terlaksana adi la lit kerja-sama antar daerah. Ibas si enda enggo me lit contohna si mehuli misalna kerja-sama antara daerah Karo ras Dairi ibas lapangan turism (sitopsi). Tentu labo kurang lapangan sideban ras daerah sideban ka, ertina melala nge usur kemungkinen. Menekanken kompetisina saja akan mengarah mendatangkan konflik dan perang. Menekankan kerja-samanya saja enggo si idah akibatna, berarti mengarah ke 'kepentingan bangsa' orba, suku ras daerahta terlupaken si enggo pasti mendatangkan ketidak-adilen, kemudian api dalam sekam dan dendam (bom-waktu), dan urutan selanjutnya juga adalah konflik dan perang. Masalah kompetisi ras kerja-sama enda, emkap persoalen njemak keseimbangen antara dua hal-ihwal si bertentangen. Enda sada segina. Segi sideban si mberat denga persoalenna janah si enggo tertanem mulai sejak kekuasaan orba i tiap daerah, emkap persoalen ketidak-adilen si itimpaken man hampir kerina daerah etnis i Indonesia. I TAKASIMA bagepe ibas daerah-daerah kalak Karo iluar TAKASIMA enggo me melala kita si mettehsa. Enggo melala ka kalak si ngerana, termasuk angota-anggota legislatif Karo bagepe Sumut. Sion Ginting enggo ngerana tegas soal ketidak-adilen i TAKASIMA bagepe Martin Luther Munthe. Adi si ukur-ukuri apai ngenda si mendesak man banta, soal kompetisi tah soal memerangi ketidak-adilen enda, tentu labo kita ragu milihsa.

Ketidak-adilen enda enggo ndekah encekak rayatta. Labo ngenca kalak Karo/TAKASIMA, tapi kerina suku-suku i Sumut. Labo ngenca kerangen kalak Karo i perambah, tapi la ketadingen Leuser, kerangen kalak Melayu bage pe Tapsel. Ijenda me kuakap siperlu sitekanken soal kerja-sama antar daerah ndai. Uga kin adi kerina suku-bangsa i Sumut ras ras erbahan geraken serentak ngerahken kerina rayatna merangi penebangen/pencurian kayu i Sumut. Kerina pemuda bagepe mahasiswa kalak Melayu, Karo, Simalungun ras Tapanuli ngerahken ras nyatuken kekuaten ngadapi perambahan liar i Sumut, KKN, narkoba bagepe perjudian. Mahasiswa/pemuda enggo ngasup nggulingken diktator 'terkuat' di Asia, tentu ijenda pe labo lit rintangenna. Pemda-pemda i Sumut enggo me si idah uga kemampuanna ngadapi masalah enda. Pemda-pemda i Sumut terpaksa lebe ngadapi persoalen pertama si mberat denga man bana emkap uga mulahi kebiasaan tradisi orba si asa gundari mendarah-mendaging denga. Mahasiswa, pemuda bagepe rayat kerina suku-bangsa terpaksa ngenda turun tangan bagi si enggo pernah terjadi i Jakarta. Ijenda simulai kerja-sama, ijenda nari kita pagi erkompetisi.

Mejuah-juah kita kerina.


Malem Ukur Ginting
Swedia, musim gugur 01

 

 

Copyright 2002 SalahKetik.Com
Tanah Karo Simalem Home Page

1

 


Holistic Solution Center | Hypnosis Association | EFT Indonesia | Psikoterapis | Bawah Sadar | Belajar Hipnotis | Layanan Hipnoterapi | Belajar Hipnoterapi | Buku Hipnotis Gratis | Hypnosis Training | Organisasi Hipnosis | Master Hipnotis | Solusi Salah Ketik | Fakir Magic | Sekolah Sulap | Psikologi Indonesia | Terapi Musik | Aktivasi Otak | Neurotherapy | Pengobatan Herbal | Artikel Kesehatan | Pakar Seks | Terapi Seks | Master Seks | Obat Ejakulasi Dini | Perusahaan Furniture | Master Indonesia | Toko Barang Antik | Terapi Tertawa | Beasiswa & Lowongan Kerja | Kota Jepara | Pelatihan Internet Marketing